Narkozi.com » დიეტოლოგია

5 მნიშვნელოვანი წესი გახდომის მსურველთათვის

5 მნიშვნელოვანი წესი გახდომის მსურველთათვისწონაში დაკლების პრობლემა მრავალ ქალს აწუხებს, ამიტომაც ეს თემა ქალების ნებისმიერ კოლექტივში ერთ-ერთი პრიორიტეტულია. შევეცდებით, ერთად მოვუყაროთ თავი ყველაზე მნიშვნელოვან წესებს, რაც ნებისმიერ დიეტას უფრო ეფექტურს გახდის.


არსებობს რამდენიმე მარტივი ხრიკი, რომლებსაც შეუძლიათ გაზარდონ ნებისმიერი დიეტის შედეგიანობა. ყველა ისინი მიმართულია ისეთი ძირითადი სირთულეების ნეიტრალიზაციისაკენ, როგორიცაა გაცხოველებული შიმშილის გრძნობა, ნევროტულობა, აკრძალვების დარღვევის ან დიეტის შეწყვეტის სურვილი.


რატომ არ მუშაობს დიეტები? იმიტომ, რომ ხშირად ჩვენ ვისახავთ ფაქტიურად შეუსრულებად მიზანს - დავიკლოთ წონაში ნებისმიერ ფასად. ამ მიზნით უარს ვამბობთ ნებისმიერ ნუგბარზე და თავს ვაყენებთ ზედმეტად მკაცრ ჩარჩოებში. ორგანიზმი კი საკმაოდ ჭკვიანია და რთული. ნებისმიერი დიეტის დროს ნივთიერებათა ცვლა ნელდება, ვინაიდან ”შიმშილობაა” და ორგანიზმი ცდილობს, არ დაკარგოს ცხიმის მარაგი, შესაბამისად, მკაცრი შეზღუდვების მიუხედავად არც ისე სწრაფად ვკარგავთ წონას, როგორც მოველით.

დაწვრილებით


საზამთროს დიეტა

საზამთროს დიეტასაზამთრო კარგი საშუალებაა ჰიპერტონიის, ნეფრიტის, პოდაგრის (ნიკრისის ქარი), ღვიძლისა და სანაღვლე გზების დაავადებების და სიმსუქნის დროს: რეკომენდებულია დღეში 300–400 გრამი საზამთროს რბილობის მიღება.

1. დიეტის აღწერა. შინაარსით საზამთროს დიეტა მარტივია – უნდა მიირთვათ მხოლოდ საზამთრო. დღიური ნორმა განისაზღვრება 1 კილოგრამით სხეულის წონის 10 კილოგრამზე. თუკი თქვენ 100 კილოგრამი ხართ, შეგიძლიათ მიირთვათ დღეში 10 კილოგრამი საზამთროს გული, თუკი 80 კოლოგრამი ბრძანდებით 8 კილოგრამი. ეს საკვები თანაბრად უნდა მიიღოთ 6 კვებაზე. თუკი ძალიან გაგიჭირდათ– დაამატეთ 1–2 ნაჭერი შავი პური.
დიეტა უნდა დაიცვათ 3–5 დღეს. თუკი შავ პურს ჩართავთ რაციონში 7–10 დღე.


საზამთროს დიეტამ შეიძლება ორგანიზმში მთელი რიგი ცვლილებები გამოიწვიოს. ცვლილებების შემჩნევისას სასწრაფოდ შეწყვიტეთ დიეტა. როგორც წესი, ამგვარი ცვლილებები პირველ სამ დღეში გამოვლინდება, მაგრამ სიფრთხილე მერეცაა საჭირო.

დაწვრილებით


დიეტა

დიეტამენიუ დღეგრძელობისთვის
დიეტის დაცვა დღეს მოდაშია. ლამის ნახევარი მსოფლიო ცდილობს, ამა თუ იმ წესით შედგენილი მენიუთი მიაღწიოს საწადელს – წონა დაიკლოს. არიან ისეთებიც, ვისთვისაც დიეტა ცხოვრების ჯანსაღ წესთან ასოცირდება და სულაც არ ემსახურება ზედმეტი კილოგრამების დაფერთხვის დიად მისიას. გარდა ამისა, უამრავია სამკურნალო დიეტა, რომელთა მიზანიც რომელიმე პათოლოგიის შემსუბუქება გახლავთ.

და მაინც, რა დანიშნულებაც არ უნდა ჰქონდეს დიეტას, იგი ყოველთვის მოდური იქნება. ბევრი სავსებით ჩვეულებრივი მენიუ “სასწაულმოქმედის” სახელით ისარგებლებს, ხოლო ზოგიერთი მეტად სასარგებლო გაკიცხვას დაიმსახურებს.
ერთი სიტყვით, დიეტებსა და კვების რეჟიმზე საზოგადოებას არაერთგვაროვანი წარმოდგენა აქვს, თუმცა მათი მნიშვნელობა უდავოა. ასე რომ არ იყოს, დიეტის სპეციალისტები (სპეციალისტებს ვგულისხმობთ და არა დილეტანტებს) ესოდენ მრავლად არ იარსებებდნენ.
მაინც რომელი დიეტაა სჯობს? რა შეიძლება მოჰყვეს გამუდმებულ შიმშილსა და წონის რადიკალურ დაკლებას? ამ და სხვა საინტერესო საკითხებზე გვესაუბრება ენდოკრინოლოგი, პროფესორი ელენე გიორგაძე.

დაწვრილებით


ნუ დამალავთ ასაკს

ნუ დამალავთ ასაკსდამეთანხმებით, ასაკს უწინარეს ყოვლისა სულიერი მდგომარეობა განსაზღვრავს, თუმცა ახალგაზრდული იერის შესანარჩუნებლად სწორი კვება არანაკლებ მნიშვნელოვანია. ექვსდღიანი დიეტა, რომელსაც ამჯერად გთავაზობთ, ბავშვობას ვერ დაგიბრუნებთ, მაგრამ თუ ზედმიწევნით დაიცავთ, რამდენიმე წლით გაახალგაზრდავდებით. არც ირგვლივ მყოფებს დარჩებათ შეუმჩნეველი თქვენი გაბრწყინებული თვალები და გადატკეცილი, სიჯანსაღითა და ახალგაზრდული სიხალასით მბრწყინავი კანი.

პირველი დღე
საუზმე – შვრიის ფაფა, ერთი ჭიქა ფორთოხლის წვენი, 50 გრამი ნიგოზი
სადილი – ბოსტნეულის წვნიანი, მოხარშული კვერცხი, 100 გრამი ხაჭო
ვახშამი – ზეითუნის ზეთით შეზავებული მოხარშული ჭარხლის სალათი, 100 გრამი მაწონი ან კეფირი

მეორე დღე
საუზმე – შვრიის ფაფა, თაფლით შეზავებული გახეხილი ვაშლი, 50 გრამი ნიგოზი
სადილი – მოხარშული ქათმის ხორცი (300 გრამი), ხახვითა და ნივრით შეზავებული მოშუშული ბოსტნეულის სალათი
ვახშამი – ყველის ასორტი, ვაშლის კომპოტი

დაწვრილებით


მოდური დიეტა

მოდური დიეტაეს ჭირვეული ქალბატონი მხოლოდ სილამაზის სტანდარტებს კი არ გვიწესებს, მათი მიღწევის გზებსაც თვითონვე არჩევს. გახდომის მანია დროდადრო ეპიდემიასავით მოედება ხოლმე საზოგადოებას. ჩვენც გადავწყვიტეთ, პოპულარული დიეტები შეგვეფასებინა, ოღონდ – ჯანმრთელობასა და საღ აზრთან დამოკიდებულების თვალსაზრისით.

პირველი–მეორე
ეს მშვენიერი მეთოდი მისი შემქმნელის ჰერბერტ შელტონის სამშობლოში უკვე დიდი ხანია დაივიწყეს, ჩვენში კი დანაწევრებული კვება ჭარბ წონასთან ბრძოლისა და ფორმის შენარჩუნების ერთ–ერთ ყველაზე პოპულარულ მეთოდად რჩება. ნებადართულია ყველაფერი, ოღონდ სხვადასხვა დროს და ცალ–ცალკე: კარტოფილი კატლეტის გარეშე, პური უკარაქოდ. თუ ორი რამის ერთად დაგემოვნება მოინდომეთ, მოგიწევთ გაარკვიოთ, როგორი დამოკიდებულება აქვთ მათ ერთმანეთთან. მერე რა, თუ თეორია უკვე ას წელს ითვლის, მეცნიერებმა კი მისი ფაქტობრივი დასაბუთება ვერ მოიპოვეს! ისე კი, თუ ჩვეული სადილის ნაცვლად მხოლოდ და მხოლოდ ბოსტნეულის სუპს დასჯერდებით, მეორეს ვახშმად შეექცევით, გარნირს კი სულაც მეორე დილისთვის შემოინახავთ, ჭარბ (და არა მარტო ჭარბ) წონას პოზიციების დათმობა ნამდვილად მოუწევს.
ღირსებები: დანაწევრებული კვების მიმდევრებს ჭარბი წონა მართლაც არ აწუხებთ, თანაც თუ რაციონი ჭკვიანურად არის შედგენილი, არც სასარგებლო ნივთიერებების დანაკლისს განიცდიან. ისე, თუ პროდუქტების ურთიერთდამოკიდებულების გაზვიადებულ და გამოგონილ სირთულეებს გამოვრიცხავთ და არც რძისა და პარკოსნების უმიზეზო ათვალწუნებას მივაქცევთ ყურადღებას, შეიძლება დანაწევრებული კვება სრულფასოვან დაბალკალორიულ დიეტამდე დავიყვანოთ, ამ უკანასკნელს კი მეცნიერები ურჩევენ ყველას, ვისაც მინიმუმ 150 წელი სიცოცხლე სურს.
ნაკლოვანებები: ქრონიკულად და გამუდმებით გშიათ, უცნაური, თითიდან გამოწოვილი წესების დაცვა გიწევთ, ორგანიზმი შერეულ საკვებთან გამკლავების უნარს კარგავს და დიეტიდან ნებისმიერ გადახრაზე მტკივნეულად რეაგირებს.

დაწვრილებით


დიეტა ნაოჭების წინააღმდეგ

დიეტა ნაოჭების წინააღმდეგსახის კანი ერთგვარი სარკეა იმისა, რამდენად მშვიდ ან მღელვარე ცხოვრებას ეწევი, რამდენად სუფთა ჰაერით სუნთქავ და რაც მთავარია, რამდენად ჯანსაღად იკვებები.
უფლებას ვიტოვებთ, მხოლოდ უკანასკნელი პუნქტის გამოსწორებაში დაგეხმაროთ.
ექიმები (უმთავრესად – დერმატოლოგები და დიეტოლოგები) მიიჩნევენ, რომ ნაოჭების პირველი მტერი ის საკვებია, რომლებიც ანტიოქსიდანტებით (C, E და A ვიტამინებით, სელენითა და ომეგა-3-ით) არის მდიდარი. ამჯერად თქვენ და თქვენს მშვენიერ კანს სწორედ სამდღიან ანტიოქსიდანტურ დიეტას გთავაზობთ.
გაითვალისწინეთ: დიეტა ბრიტანულია და, შესაბამისად, ბრიტანელების გასტრონომიულ მოთხოვნილებათა მიხედვით არის შედგენილი: ჯერ – საუზმე, შემდეგ – ლანჩი, ნაშუადღევს – წახემსება და ბოლოს (დაახლოებით 7 საათისთვის) – სადილი.

პირველი დღე
საუზმე
იოგურტი ნუშითა და კენკრით: ერთ ჭიქა (დაახლოებით 120 გ) იოგურტს შეურიეთ იმავე მოცულობის კენკრა, დაამატეთ 1-2 სადილის კოვზი გატარებული ნუში ან ნიგოზი და ბოლოს – 2 სადილის კოვზი ხორბლის ღივი (თუ, რა თქმა უნდა, გაქვთ).
ენერგეტიკული ღირებულება – 360 კალორია.

დაწვრილებით


დიეტა მოხდენილი ფიგურისთვის

დიეტა მოხდენილი ფიგურისთვისგთავაზობს დიეტას, რომელიც დაგეხმარება, საგრძნობლად შეამცირო თეძოებისა და დუნდულების გარშემოწერილობა და თამამად გამოეწყო შენს საყვარელ მოტმასნილ ქვედაბოლოში.
დიეტის არსი ასეთია: მაქსიმალურად ერიდე ცხიმს, ხოლო “შავ სიაში” მოხვედრილ პროდუქტებს სათოფეზეც არ გაეკარო.
თუ მოინდომებ, ამ დიეტის მეშვეობით კვირაში 500 გრამიდან 1,5 კგ-მდე დაიკლებ. ცვლილება ყველაზე ადრე თეძოებს ეტყობა, ღაწვები და მკერდი კი, ფაქტობრივად, არ ხდება, ან, თუ შეთხელდა – ძალიან გვიან. ამგვარი დიეტით, რომელიც უჯრედისით არის დატვირთული, შეგიძლია ცელულიტსაც შეუტიო და, რაც მთავარია, კალორიების დათვლა სრულებით არ დაგჭირდება.

ნებადართულ პროდუქტთა სია: მჭლე ხორცი, უცხიმო თევზი, ბოსტნეული, პური, კარტოფილი, ბრინჯი, მაკარონი.

“შავი სია”: ნაღების კარაქი, რძის ნაწარმი, მცენარეული ზეთი, თხილი, კაკალი, მზესუმზირა, ნამცხვრები, ტორტი, შოკოლადი, შემწვარი კერძები.

შეიძლება: ჩაი, ყავა, წვენები, ხილი, ცოტა ალკოჰოლიც.

დაწვრილებით


ახალგაზრდობის ელექსირი

ახალგაზრდობის ელექსირიარსებობს დიეტა, რომელსაც ცოტა არ იყოს უცნაური სახელწოდება აქვს: გეროპროტექტორული დიეტა, – და ის, როგორც მისი შემქმნელები გვარწმუნებენ, კალორიებთან ერთად წლებსაც აქრობს.
შეიძლება, ოდნავ ვაჭარბებდეთ, მაგრამ ფაქტია, რომ დიეტოლოგებმა მართლაც შეიმუშავეს კვების მეთოდიკა, რომელიც ორგანიზმს დაბერებისგან იცავს და სიცოცხლეს ახანგრძლივებს. თქვენ წარმოიდგინეთ, ამისთვის არავითარი ჯადოსნობა არ არის საჭირო. მარადიული ახალგაზრდობის საიდუმლო მარტივზე მარტივია: მიირთვით დაბალკალორიული და ამავე დროს სასარგებლო პროდუქტები. ეს არც ისე რთულია, თუმცა გარკვეულ ცოდნას მაინც მოითხოვს.

სასიამოვნო და სასარგებლო მსხვერპლშეწირვა
იმაზე, რომ არ უნდა ვიშიმშილოთ, უკვე შევთანხმდით. ახლა ის გავარკვიოთ, რომელი საკვების ხარჯზე გამოვემშვიდობოთ ზედმეტ კილოგრამებს.
დიეტოლოგებმა ბევრი იფიქრეს თუ ცოტა, ერთი ფრიად საინტერესო და სასარგებლო დასკვნა გამოიტანეს: საკვები რაციონი ზედმეტი ცხიმისა (ძირითადად ძეხვეულის, ნაღების კარაქისა და მეტისმეტად ცხიმიანი ხორცის ხარჯზე) და სრულიად უსარგებლო ნახირწყლოვანი პროდუქტისგან (ძირითადად ტკბილეულისგან) უნდა გავწმინდოთ. დიახ, სწორედ ზედმეტისგან და არა ყოველგვარისგან, რადგან ადამიანის ორგანიზმს ორივე საკვები ნივთიერება სჭირდება. ცხიმი დღიური კალორიების მხოლოდ 20%-ს უნდა შეადგენდეს.

დაწვრილებით


საინტერესო ფაქტები დიეტების ისტორიიდან

საინტერესო ფაქტები დიეტების ისტორიიდანუხსოვარი დროიდან
ექიმების რეკომენდაციებით გაწამებული ერთი რუსი პოეტი ჩიოდა, ვიდრე დიეტებს მოიგონებდნენ, საწუთრო უფრო გრძელი იყოო, მაგრამ თუ ისტორიას დავუჯერებთ, ასეთი ბედნიერი ხანა კაცობრიობას საერთოდ არ ჰქონია.
დიეტა ბერძნულად ცხოვრების წესს ნიშნავს, თუმცა კარგა ხანია, ამ სიტყვას ასე ფართო მნიშვნელობით აღარ ვიყენებთ – მისი წარმოთქმისას კონკრეტულად რაციონს, კვების რეჟიმს ვგულისხმობთ. თავისებურ დიეტას – მართალია, გაუაზრებლად, მაგრამ მაინც – პირველყოფილი ადამიანებიც იცავდნენ – უბრალოდ, იმას ჭამდნენ, რასაც მოიხელთებდნენ. მათი რაციონი მრავალი თანამედროვე დიეტოლოგის ოცნებაა: უამრავი კენკრა და ძირხვენა, ცოტა ხორცი და არავითარი შემწვარ-მოხრაკული, შესაბამისად, ნაკლები ქოლესტეროლი და ბევრზე ბევრი უჯრედისი... ზოგიერთი პროდუქტის შეგნებული არჩევანი, სხვებზე კი უარის თქმა, შეიძლება ითქვას, ცივილიზაციის მონაპოვარია – მასთან ერთად ვისწავლეთ.

ანტიკური სამყაროდან
ნადიმის ერთ-ერთი პირველი აღწერა ძველეგვიპტური სამარხის კედლებზეა აღმოჩენილი. მიზეზი ნამდვილად მნიშვნელოვანი ყოფილა – ფარაონს ტყუპი ვაჟი შესძენია. წვეულთათვის ჯერ თხის ყველი, შემწვარი ღორის ხორცი, არაჟანში ჩაწყობილი ნიორი, ქერის სუპი და მდინარის თევზი მიურთმევიათ, ჩაროზად კი თაფლიანი ფუნთუშები, ფინიკი და ბროწეული. მომავალი რამზეს III-ისა და მისი ძმის დაბადების ასე მოკრძალებულად აღნიშვნას მზეთამზეს, სავარაუდოდ, არც სიღარიბე აიძულებდა და არც სიძუნწე. ვინ იცის, იქნებ ქურუმებმა ღმერთების ნება გადასცეს... ასეა თუ ისე, კარგად მოფიქრებული და, სხვათა შორის, დაბალანსებული რაციონი სახეზეა.

დაწვრილებით